Հավանաբար բազմիցս անցել եք UL հավաստագրով սերտիֆիկացված պրոդուկների կողքով և նունիսկ չեք էլ նկատել: Ի՞նչ է իրենից ներկայացնում UL հավաստագիրը և ինչու՞ է այդքան կարևոր: Underwriters Laboratories (UL) - ը անկախ կազմակերպություն է, որը հավաստում է ապրանքների անվտանգությունը: UL սերտիֆիկացումը հաստատում է, որ ապրանքը գնահատվել է, փորձարկվել և անցել է անվտանգությունն ապահովող թեստավորում: Կարող եք վստահ լինել, որ UL սերտիֆիկացումը յուրաքանչյուր ապրանքատեսակի անվտանգության և ամրության հուսալի ցուցիչ է:

ՖՎ մոդուլները մինչ սսպառման հանձնվելը կամ վերականգնվող էներգիայի ֆինանսավորման սխեմաներում օգտագործվելը, պետք է հետևեն մի քանի պահանջների և միջազգային ստանդարտների, ինչպիսիք են ISO, UL, EAC, CE և այլն: LA Solar Factory- ն անցել է երեք հիմնական ISO ընտանիքի սերտիֆիկացումներ, որոնք պատասխանատու են անվտանգության, առողջապահության և շրջակա միջավայրի կառավարման համար: Այսուհետ LA Solar Factory- ն սիրով տեղեկացնում է, որ հաջողությամբ անցել է ևս մեկ կարևորագույն սերտիֆիկացում. Այժմ ընկերությունն ունի նաև UL հավաստագիր, որը արտադրված բոլոր ապրանքների հուսալիութայն և արդյունավետության գրավականն է:

Արտադրված արտադրանքի որակի ցուցադրումը կարևոր նշանակություն ունի ոչ միայն ընկերության, այլ նաև հաճախորդների համար: LA Solar Factory- ն և մեր արտադրանքը հավաստագրված են երրորդ կողմի մարմինների կողմից և համապատասխանում են բոլոր միջազգային ստանդարտներին և տեխնիկական պայմաններին:

Կարդալ նաև

  • 26.09.2020

    Արևային Վահանակներ Արտադրող Առաջատար Ընկերությունը

    LA Solar Group-ը հիմնադրվել է 2011 թ.-ին ԱՄՆ-ի Լոս Անջելես քաղաքում` Արա Պետրոսյանի կողմից: Գործի դնելով այլընտրանքային էներգիայի օգտագործման իր փորձը` LA Solar Group-ը առաջարկում է առավել նորարարական լուծումներ` նախագծի ձևավորումից մինչև ֆոտոգալվանային համակարգերի կառուցում և շահագործում:

    Ընկերությունն այժմ բաղկացած է 180 աշխատակցից և ունի 14 գրասենյակ՝ 7 նահանգներում:

    LA Solar Group-ն առաջարկում է վերականգնվող էներգիայի ամբողջական լուծումներ բնակելի և առևտրային ծրագրերի համար նախատեսված՝ ներառելով նորագույն տեխնոլոգիաները, մանրակրկիտ դիզայնը, որակի տեղադրումը, ակնառու աջակցությունը և լավագույն երաշխիքը՝ ամենացածր գնով:

    Որպես արևային վահանակների առաջատար ընկերություն, առաջարկում է պրեմիում արևային վահանակների և արևային էներգիայի հետ կապված այլ սարքավորումների լայն տեսականի: Արևային վահանակների տեղադրման գործընթացը կարևոր քայլ է՝ ավելի մաքուր ապագա ստեղծելու համար: Արևային էներգիայի օգտագործումը ծախսարդյունավետ է և էական ազդեցություն ունի շրջակա միջավայրի վրա:

    Այսօր LA Solar Group-ն ակտիվորեն շարունակում է իր գործունեությունը: LA Solar Group-ն  ունի մեծ ազդեցություն ԱՄՆ-ի և Հայաստանի տնտեսությունների զարգացման գործում և խթանում է արևային էներգիայի անցմանը, ինչը կդարձնի աշխարհը էկոլոգիապես մաքուր։

  • 20.06.2021

    RENWEX 2021 Միջազգային ֆորում-ցուցահանդես

    LA Solar Factory-ն սիրով հրավիրում է բոլորին ներկա գտնվելու հունիսի 22-24-ը կայանալիք RENWEX 2021 «Վերականգնվող էներգիա և էլեկտրական փոխադրամիջոցներ» միջազգային ֆորում – ցուցահանդեսին, որտեղ ներկայացված են լինելու վերջին սերնդի արևային սարքավորումներ: Միջազգային ֆորում - ցուցահանդեսն իրականացվում է «Միասին կերտենք վերականգնվող էներգիայի ապագան» կարգախոսի ներքո: Մասնակցելու են ավելի քան 63 ընկերություններ՝ շուրջ 9 երկրներից:

    RENWEX 2021 «Վերականգնվող էներգիա և էլեկտրական փոխադրամիջոցներ» միջազգային ֆորում – ցուցահանդեսի հիմնական նպատակն է բացահայտել ընկերությունների պոտենցիալ ներուժը, ինչպես նաև ձևավորել նախագծերի իրականացման լավագույն լուծումները՝ դարձնելով այն հիմնք վերականգնվող էներգիայի աճի համար:

    Ցուցահանդեսի շրջանակներում ամերիկյան LA Solar Group ընկերության հայաստանյան գործարանը՝ LA Solar Factory-ն և ռուսաստանյան մասնաճյուղը՝ Moscow Solar Group համատեղ ներկայացնելու են բարձրորակ արևային սարքավորումների և ժամանակակից էլեկտրական փոխադրամիջոցների լայն տեսականի, որոնք ցուցադրված կլինեն 3A46 տաղավարում:

    Սիրով սպասում ենք Ձեզ EXPO RENWEX 2021-ին:

  • 08.11.2021

    Հայկական Արտադրության Առաջին Արևային Սև Վահանակները

    Վերջին տարիներին Հայաստանում արևային էներգիայի շահագործումը մեծ թափ է առնում։ Գաղտնիք չէ, որ արևային համակարգի ընտրության հարցում նախապատվությունը տրվում է վահանակների արդյունավետությանն ու երկարակեցությանը։ Որքան հզոր է համակարգը, այնքան ավելի շատ գումար կխնայվի։ Այսօր ոչ միայն տեղական, այլև համաշխարհային շուկայում առավել մեծ տարածում են գտել իրենց մատչելիությամբ և հարմարավետությամբ աչքի ընկնող կապույտ բազմաբյուրեղային արևային վահանակները (արևային վահանակների տեսակները)։ 

    Սակայն, երբեմն հզորության հետ մեկտեղ կարևոր է հաշվի առնել նաև արևային համակարգի արտաքին տեսքը։ Այս հարցում անգերազանցելի են արևային սև վահանակները։ 

    Սև և Կապույտ Վահանակների Առանձնահատկությունները

    Կապույտ վահանակների համեմատաբար մատչելի գինը պայմանավորված է արտադրման ավելի պարզ գործընթացով, կիրառվող նյութերի հասանելիությամբ և տեղադրման քիչ ծախսերով։ Բացի այդ բազմաբյուրեղային արևային վահանակների առավելություններից է արտադրման ժամանակ շրջակա միջավայրի համար վնասակար թափոնների բացակայությունը։ 

    Արևային սև վահանակները լինում են միաբյուրեղային, հազվադեպ նաև բարակ թաղանթային։ Ի տարբերություն բազմաբյուրեղային արևային վահանակների՝ սև վահանակների գինը ավելի բարձր է, պայմանավորված օգտագործվող սիլիկոնի բարձր որակով, արտադրման ժամանակ առաջացող թափոններով և մաքուր սիլիցիումի վատնումով։ 

    Սև վահանակների արտաքին ֆոտովոլտային շերտը և վահանակն ուրվագծող շրջանակները սև են, ի տարբերություն «ավանդական» կապույտ վահանակների, որոնց նշված հատվածները սպիտակ են։ 

    Ինչու՞ ընտրել Արևային Սև Վահանակները

    1. Արևային սև վահանակներն ավելի էներգաարդյունավետ են

    Պատրաստված լինելով սիլիցիումի մեկ բյուրեղից՝ միաբյուրեղային սև վահանակները մի քանի անգամ ավելի շատ էներգիա են կլանում։ Ստացվում է էներգիա արտադրելու համար պահանջվում է ավելի քիչ քանակությամբ միաբյուրեղային վահանակ քան բազմաբյուրեղային վահանակներով նույն քանակությամբ էներգիա արտադրելու համար։ 

    2. Կայուն աշխատանք ամպամած եղանակին

    Արևային սև վահանակները նույնիսկ ամպամած եղանակին չեն դադարում կլանել լույսը՝ տունը կամ շինությունը ապահովելով մշտական էլեկտրաէներգիայով։

    3. Երկարակյացություն

    Բազմաբյուրեղային վահանակների համեմատ միաբյուրեղային վահանակներն ավելի երկարակյաց են։ Համաշխարհային մի շարք արտադրողներ երաշխավորում են իրենց վահանակների 25 տարվա աշխատանքը։ Հայաստանում արտադրանքի 25 տարվա անխափան աշխատանքի երաշխիք է տալիս LA Solar Factory-ն։ 

    Միաբյուրեղային Սև Վահանակները Հայաստանում

    Հայաստանում արևային համակարգի պահանջարկը օրեցօր աճում է։ Շուկայում ներկայացված են համաշխարհային առաջատար ընկերությունների արևային համակարգեր։

    Արդեն իսկ շատ շուտով հայ սպառողը կկարողանա ձեռք բերել նաև տեղական արտադրության միաբյուրեղային սև վահանակներ։ LA Solar Factory-ին, հանդիսանալով Հայաստանում միաբյուրեղային վահանակների առաջին տեղական արտադրողը, սպառողին առաջարկում է արևային էներգիայի ոլորտում առավել արդյունավետ և խնայող արևային վահանակները։